Paris 365en dohaintza oro ongi etorria da asmo onez egiten bada, baina batzuk bereziak dira. Hori da San Fermin Ikastolaren kasua, eta ez emandako diru kopuru handiagatik — 1.300 euro baino gehiago —, konpromiso mailagatik baizik. Aitor Belasko irakaslearen proposamen baten bidez, hirugarren urtez jarraian gainerako irakasleak, Lehen Hezkuntzako 6. mailako ikasleak eta haien gurasoak inplikatu dira. Guztiek batera jantoki solidarioa bisitatu zuten euren ekintza solidarioaren norakoa bertatik bertara ezagutzeko eta gutunazal bat eskura emateko.

Neska-mutilentzat espazioa ez zen guztiz ezezaguna, Pariseko lana ikasgelan landu zutelako eta antolatzaileek hitzaldi bat eman zietelako Ikastolako areto nagusian. Ondoren, informazio horrekin guztiarekin dibulgazio materialak egin zituzten eta ongintzako azoka txiki batean familiei saldu zizkieten eskulanak egin zituzten.