Patxi Larrainzar D ereduko eskola publikoak hezkuntza-proiektu oso bat burutu du Paris 365en inguruan, 820 euroko dohaintzarekin amaitu dena. Lehen Hezkuntzako 6. mailako haurrek Arrotxapeako dendetan jaso zituzten produktuekin egindako tonbola solidario baten bidez bildu da dirua.

Ikastetxeko irakasleek bultzatutako ekimenak Gizakia Herritar/Paris 365 Fundazioaren elkartasun biltegia dagoen auzo bereko dendak eta familiak inplikatu ditu, sare komunitarioak indartuz.

Gurasoek dohaintza bat egin zuten gauzatan urriaren 20an, euren seme-alabek jantokia eta jatetxea bisitatu zutenean. Jarraian, Arteriak Flujos Creativosek eta Paris 365ek berak antolatutako Teatrodix jaialdiaren bigarren edizioko Etxerik txikiena antzezlana ikustera joan ziren.

Gaur, ikasleek Patxi Larrainzarreko heziketa zikloa amaitzearen bezperan, dohaintza banatu eta azaldu dute nola lortu duten dirua biltzea eta mezua zabaltzea, bai auzoko dendetan zehar, bai Patxi Larrainzarren gainerako kurtsoetan. Parisetik uda zoriontsua eta DBHren hasiera ona opa diegu neska-mutilei, merezi duten bezalalaxe.

Halaber, irakasleen lana goraipatu nahi dugu eta harro eta pozik egon daitezkeela esan, Paris 365en printzipioekin bat datorren gizarte justuago eta solidarioago bat sortzen lagundu dutelako. Espero dugu datozen urteetan elkarlanean jarraitzea helburu amankomun horren alde. Zorionak eta eskerrik asko Arrotxapeako ikasle, guraso, irakasle, dendari eta bizilagunei!