Paris 365 jangela solidarioaren erabiltzaileek, urtarrilean eta otsailean, elkarrengandik ezberdinak diren 46 aulkiz osatutako antzezlanaren eszenografia egin zuten. Curro Claret artista katalan ospetsuak diseinatu zituen altzari horiek, Emausko Trapuketariek emandako hondakin-materialen bitartez. Fermin Lorda ebanistak Nafarroako Untziti haraneko Zorokiain zurgintza-tailerra eskaini zuen. 20 urte baino gehiagoz bizilagunik gabe egon ondoren, Zorokiain-Errekazar elkartean bildutako dozena bat familia gazte herri hau berreskuratzen ari dira, jasangarritasun irizpide gorenekin.

Aulki horiek Aporofobia Stop proiektuaren autogestioa bultzatzeko balioko dute, baterako finantzaketa eta mikrodonazio kanpaina baten bidez, erakundeen eta, oro har, herritarren lankidetza lortzeko asmoz. Pieza horien balio material eta sinbolikoaren aitorpena, alde batetik, Katakraken eta Tres Reyes hotelean egingo diren erakusketekin eta, bestetik, martxoaren 11n Antsoainen estreinatuko den obran egingo den eszenaratzearekin adieraziko da.